2025eko-edizioa

Tailer honetan, Ordiziako bi ikastetxeetako Lehen Hezkuntzako 3. zikloko ikasleekin esperimentu eta jolas ezberdinak egingo dira.

Ikasi Kimchi metodoa, hartzidura tradizional korearrean oinarritutako teknika bat, mikroorganismo onuragarrien bidez hondakin organikoak ontzi hermetikoetan hartzitu eta konpostatzeko aukera ematen duena, elikagaien aprobetxamendua eta jasangarritasuna sustatzeko.

Parte-hartzaile bakoitzak bi pote eramango ditu (≈500 ml ingurukoak) eta etxean hartzidurarekin jarraitzeko gida bat jasoko du.

Furgobaratza zerbitzu ibiltariak autokontsumorako baratzeei buruzko aholkularitza eskaintzen du eta kultura ekologikoa sustatzen du. Tailer honen bidez, etxean baratze txiki bat sortzen ikasiko duzu, lorontziak, substratuak, ureztapena, ereintza eta beste hainbat kontzeptu lantuz.
Amaieran, parte-hartzaileei etxean landatzeko haziak emango zaizkie.

Giza jarduera gero eta indartsuagoek ingurumen-aldaketa globala eragin dute Lurrean. Horren eraginez, gizakia biodibertsitate-galera izugarria bultzatzen ari da eta ekosistemen funtzionamendua errotik aldatzen ari da. Arturo Elosegi Irurtia Euskal Herriko Unibertsitateko Zientzia eta Teknologia Fakultatean, Landareen Biologia eta Ekologia sailean, irakaslea da eta gai honen inguruko hitzaldia emango du.

Ziklobizi Eskola herritarrak klima-aldaketaz eta mugikortasun iraunkorraren garrantziaz kontzientziatzea bilatzen duen prestakuntza-tailerra da. Horretarako, tailer bat antolatu da, eta bertan ikasiko dugu kutsatzen ez duen garraio batean mugitzen, bizikletaz, modu seguruan. Tailer honek 2 atal ditu. Didaktikoagoa, bizikletaz ibiltzeko modu egokia azaltzen duena, seinaleak eta trafiko-arauak interpretatuta. Bestea ludikoagoa da, eta zirkuitu bat du, seinaleak, semaforoak eta abar dituena.

Nahiz eta aldian-aldian berokuntza-sistema mota jakin bat “modan” jarri, egia esan, sistemarik eraginkorrena zein den jakiteko, hainbat alderdi aztertu behar dira: etxebizitza mota, jada instalatuta dauden aparatu edo hodiak, etxebizitzaren erabilera, etab. Helburua da herritarrak gaiari buruzko nozio argi batzuekin ateratzea eta berogailu-sistemei buruzko oinarrizko irizpideak izatea, merkatuko berrikuntzek eragindako erabakiak ez hartzeko etorkizunean.