2025eko-edizioa
Urriaren 17tik 26ra, milaka pertsonak parte hartu zuten Euskadiko Klima eta Energiaren Astean, eta dibulgazioa, sentsibilizazioa eta esperientzia praktikoak uztartzen zituzten jarduera programa zabalaz gozatu ahal izan zuten.
Ekimena Eusko Jaurlaritzako Industria, Trantsizio Energetiko eta Jasangarritasun Sailak bultzatu du, Energiaren Euskal Erakundearen (EEE) eta Ihobe ingurumen-kudeaketarako sozietate publikoaren lankidetzarekin.
Actividades
Entidades
Locales
Otras
Entidades
Ekitaldiak
26/10/2025 - Gorliz
Reziklantes ikuskizuna
Ikuskizuna hondakinetatik berreskuratutako materialekin egindako musika-tresnekin. Prozesuan zehar, gure kontsumo-ereduak eta sortzen dugun hondakin-kopuru handiak ingurumenean eta bereziki klima-aldaketan duten eraginaz jabetuko dira.
26/10/2025 - Alkiza
Biodibertsitatea eta etorkizuna: erronka partekatuak
Fagus Alkiza interpretazio zentroak, UEUren laguntzarekin, dibulgazio jardunaldiak egingo ditu datorren urriaren 25ean eta 26an. Jardunaldi hauen xedea da herritarren kontzientziazioa sustatzea eta adieraztea biodibertsitatearen zaintza gure esku dagoela, erronka kolektibo eta partekatu gisa ulertuta.
Alkizako Udalak urteak daramatza ingurumenaren alde lanean, eta jardunaldi hauek ildo horretan beste urrats bat izango dira.
26/10/2025 - Bilbao
Zabor bilketa itsasadarraren ertzetan, San Inazio auzoan zehar
Zabor bilketa itsasadarraren ertzetan, San Inazio auzoan zehar. Arazo honek ingurune naturalean duen inpaktuaz eta klima-aldaketarekin duen loturaz ezagutza eta sentsibilizazioa.
26/10/2025 - Lantarón
Klimaren aldeko jaia Ekoetxea Añana-Sobronen
Familia osoarentzat, jarduera, jolas, ibilbide eta sorpresa ugari dituen egun berezi bat. Parte hartu, konektatu naturarekin eta ospatu zure konpromisoa klimaren alde. Ados zaude gure ingurunea zaintzearen eta gizarte solidarioago baten alde egiten duen eredu batekin? Erakutsi mundua hobetu daitekeela benetako keinuekin eta pertsona konprometituekin. Egin bat Ekoetxea Erronkarekin eta ekin orain!
26/10/2025 - Donostia-San Sebastián
Gure hamaiketakoek ez dezatela ingurumena puskatu
Jarduera egin baina aste bete lehenago hamaiketako orduan sortzen den zabor guztia bilduko dugu. Bai zabor organikoa eta baita edukiontzi eta plastikoak. Jarduera egunean bildutako zabor guztia patioan pilatuko dugu ikasleek ikus dezaten astebeteko hamaiketakoek zenbat zabor sortzen duten. Hori ikustean ikasleei ausnarketa bat egitera bideratuko ditugu eta zaborra gutxitzeko bideak eta ideiak esatera animatuko ditugu.
26/10/2025 - Urkabustaiz
Berrerabilgarri diren edalontzien bilketa
Berrerabilgarri diren edalontzien bilketa, udal jardueretan berrerabili ahal izateko. Helburua da berrerabilpena sustatzea eta ingurumenean eta gizartean konpromisoa bultzatzea. Jardueran parte hartzen duten pertsonentzako ASTEKLIMA logodun oihalezko poltsak banatuko dira.