2025eko-edizioa

Ikuskizuna hondakinetatik berreskuratutako materialekin egindako musika-tresnekin. Prozesuan zehar, gure kontsumo-ereduak eta sortzen dugun hondakin-kopuru handiak ingurumenean eta bereziki klima-aldaketan duten eraginaz jabetuko dira.

Fagus Alkiza interpretazio zentroak, UEUren laguntzarekin, dibulgazio jardunaldiak egingo ditu datorren urriaren 25ean eta 26an. Jardunaldi hauen xedea da herritarren kontzientziazioa sustatzea eta adieraztea biodibertsitatearen zaintza gure esku dagoela, erronka kolektibo eta partekatu gisa ulertuta. Alkizako Udalak urteak daramatza ingurumenaren alde lanean, eta jardunaldi hauek ildo horretan beste urrats bat izango dira.

Jarduera honen helburua “Navaridaseko Mendia” babestutako espazio naturaleko ibilbide interpretatiboa egitea da. Ibilbidearen bitartez, hegazti intsektiboro eta basoko saguzarren habiak jartzeko eta egiaztatzeko hainbat kaxa instalatuko dira. Halaber, habitat mota honetara lotutako hegazti espezie desberdinak identifikatzea eta inguruko baratzeetako hegaztiekin erlazionatutakoak ezagutzea bilatuko da. Jardueran zehar, leheneratze eta berrezartze-lanak egin diren hainbat gune bisitatuko dira.

Klima Azoka esperientzia interaktibo bat da, herritarrak klima-aldaketaren aurrean jarduteko beharraren inguruan mobilizatzeko, hezteko eta kontzientziatzeko sortua. 7 karpa tematiko ditu, eta bakoitzak ekintza klimatikoaren alderdi ezberdinak lantzen ditu. Jokoen eta dinamiken bidez, parte-hartzaileek klima kontzeptu nagusiak barneratzen dituzte eta borroka klimatikoan laguntzeko modu zehatzak ezagutzen dituzte.

Berrerabilgarri diren edalontzien bilketa, udal jardueretan berrerabili ahal izateko. Helburua da berrerabilpena sustatzea eta ingurumenean eta gizartean konpromisoa bultzatzea. Jardueran parte hartzen duten pertsonentzako ASTEKLIMA logodun oihalezko poltsak banatuko dira.