2025eko-edizioa
Urriaren 17tik 26ra, milaka pertsonak parte hartu zuten Euskadiko Klima eta Energiaren Astean, eta dibulgazioa, sentsibilizazioa eta esperientzia praktikoak uztartzen zituzten jarduera programa zabalaz gozatu ahal izan zuten.
Ekimena Eusko Jaurlaritzako Industria, Trantsizio Energetiko eta Jasangarritasun Sailak bultzatu du, Energiaren Euskal Erakundearen (EEE) eta Ihobe ingurumen-kudeaketarako sozietate publikoaren lankidetzarekin.
Actividades
Entidades
Locales
Otras
Entidades
Ekitaldiak
18/10/2025 - Donostia-San Sebastián
Udazkeneko arte laborategia
Naturan oinarritutako tailer artistikoa. Urtaro bakoitzak eskaintzen dizkigun elementuak baliatuko ditugu gure obrak sortzeko.
Material naturalak erabiltzearen ondorioz, bizi dugun errealitate fisikoaz eta kontsumitzen ditugun produktuez hausnartuko dugu, jatorria, iraunkortasuna eta eragin ekologikoa zalantzan jarriz.
Udazkenean txirikordatzeko teknikekin esperimentatuko dugu, geure saskia sortzeko.
18/10/2025 - Donostia-San Sebastián
Kabikutxa: Uliako hegaztientzako etxeak
Ulia mendian hegazti askok zailtasunak dituzte habiak egiteko, gero eta gutxiago direlako zuhaitzetako eta eraikinetako zulo naturalak. Kabikutxek irtenbide erraza eskaintzen dute: espezie bakoitzari egokitutako gordeleku txikiak.
18/10/2025 - Kripan
Irteera interpretatiboa Kripanen: Klima-aldaketaren eraginak hegaztietan eta anfibioetan
Jarduera honek ibilaldi interpretatibo bat proposatzen du Kripango natur eta nekazaritza eremuetan barrena, Fuente la Yeca ingururaino. Ibilbidean zehar, habitat mota horiei lotutako hegazti espezie desberdinak identifikatzen saiatuko gara. Fuente la Yeca inguruan, mikrohezegunean bizi diren anfibio espezie batzuk identifikatuko dira. Jardunaldian horrelako espazioak eta bertako biodibertsitatea kontserbatzeak duen garrantzia azalduko da, baita klima-aldaketak espezie hauen kontserbazio-egoeran eta fenologian epe laburrean duen eragina ere.
18/10/2025 - Pasaia
Ate irekiak AZTI-n Pasaian
Ate irekien jardunaldian, 11:30etik 14:00etara ospatuko denean, herritarrek ikerketa-zentro honek egiten duen lana gertutik ezagutzeko aukera izango dute; itsas eta elikadura arloetan egindako lanagatik nazioarteko erreferentea den zentroa. Pasaiatik, AZTIk hainbat proiektu gidatzen ditu, hala nola arrantza iraunkorra, ozeanografia, itsas ekosistemen kudeaketa eta klima-aldaketaren azterketa, gure itsasoen ezagutzan eta babesaren alde lagunduz.
18/10/2025 - Asparrena
Eraztunketa zientifikoko tailerra
Jarduera honetan, hegaztiak goizaldean leku egokietan jartzen diren sare bertikal kaltegabeen bidez harrapatzen dira. Hegaztiek jarduera handiena eguneko lehen lau orduetan izaten dute, eta ordu horiek aprobetxatzen dira haiek harrapatzeko, datu biologikoak jasotzeko, eraztuntzeko eta askatzeko. Horrela, urtez urteko datuak lortzen dira, eta horiek lagungarriak izan daitezke hegaztien portaeran klima-aldaketak eragindako aldaketak ezagutzeko.
18/10/2025 - Getxo
Klima-aldaketari buruzko esperimentuak familian
6 urtetik gorako haurrentzat eta haien familientzat zuzendutako jarduera da. Ingurumen Gelako hezitzaileak 4 esperimentu desberdin egingo ditu, klima-aldaketa lantzeko: zerk eragiten duen, zein ondorio dituen eta zer neurri har ditzakegun horri aurre egiteko. Gainera, familiek airearen kutsadura neurtzeko gailu propioa sortu ahal izango dute etxera eramateko.