2025eko-edizioa
Urriaren 17tik 26ra, milaka pertsonak parte hartu zuten Euskadiko Klima eta Energiaren Astean, eta dibulgazioa, sentsibilizazioa eta esperientzia praktikoak uztartzen zituzten jarduera programa zabalaz gozatu ahal izan zuten.
Ekimena Eusko Jaurlaritzako Industria, Trantsizio Energetiko eta Jasangarritasun Sailak bultzatu du, Energiaren Euskal Erakundearen (EEE) eta Ihobe ingurumen-kudeaketarako sozietate publikoaren lankidetzarekin.
Actividades
Entidades
Locales
Otras
Entidades
Ekitaldiak
18/10/2025 - Elgeta
Erreka garbiketa
Ekintza honen bidez ingurune osasuntsu batek klima-aldaketara egokitzeko eskeintzen duen aukera aztertu eta balioan jarri nahi dugu. Horretarako, erreka garbitzera irtengo gara auzolanean.
18/10/2025 - Busturia
BBK Klima
Planetaren zaindari bila gabiltza! BBK Klima Urdaibaiko Biosfera Erreserban murgiltze instalazio interaktiboak dituen esperientzia-parkea da. Klima-aldaketari aurre eginez etorkizun iraunkorra gauzatzeko modu ludiko bat.
18/10/2025 - Gorliz
Lurraren magdalenak
Sukaldatzeko eta lurrari zein ingurumenari buruzko kontzientzia pizteko aukera desberdinak, egungo kontsumo-ereduari eta horrek klima-aldaketan duen eragin zuzena azpimarratuz.
18/10/2025 - Donostia-San Sebastián
Udazkeneko arte laborategia
Naturan oinarritutako tailer artistikoa. Urtaro bakoitzak eskaintzen dizkigun elementuak baliatuko ditugu gure obrak sortzeko.
Material naturalak erabiltzearen ondorioz, bizi dugun errealitate fisikoaz eta kontsumitzen ditugun produktuez hausnartuko dugu, jatorria, iraunkortasuna eta eragin ekologikoa zalantzan jarriz.
Udazkenean txirikordatzeko teknikekin esperimentatuko dugu, geure saskia sortzeko.
18/10/2025 - Donostia-San Sebastián
Kabikutxa: Uliako hegaztientzako etxeak
Ulia mendian hegazti askok zailtasunak dituzte habiak egiteko, gero eta gutxiago direlako zuhaitzetako eta eraikinetako zulo naturalak. Kabikutxek irtenbide erraza eskaintzen dute: espezie bakoitzari egokitutako gordeleku txikiak.
18/10/2025 - Kripan
Irteera interpretatiboa Kripanen: Klima-aldaketaren eraginak hegaztietan eta anfibioetan
Jarduera honek ibilaldi interpretatibo bat proposatzen du Kripango natur eta nekazaritza eremuetan barrena, Fuente la Yeca ingururaino. Ibilbidean zehar, habitat mota horiei lotutako hegazti espezie desberdinak identifikatzen saiatuko gara. Fuente la Yeca inguruan, mikrohezegunean bizi diren anfibio espezie batzuk identifikatuko dira. Jardunaldian horrelako espazioak eta bertako biodibertsitatea kontserbatzeak duen garrantzia azalduko da, baita klima-aldaketak espezie hauen kontserbazio-egoeran eta fenologian epe laburrean duen eragina ere.