2025eko-edizioa
Urriaren 17tik 26ra, milaka pertsonak parte hartu zuten Euskadiko Klima eta Energiaren Astean, eta dibulgazioa, sentsibilizazioa eta esperientzia praktikoak uztartzen zituzten jarduera programa zabalaz gozatu ahal izan zuten.
Ekimena Eusko Jaurlaritzako Industria, Trantsizio Energetiko eta Jasangarritasun Sailak bultzatu du, Energiaren Euskal Erakundearen (EEE) eta Ihobe ingurumen-kudeaketarako sozietate publikoaren lankidetzarekin.
Actividades
Entidades
Locales
Otras
Entidades
Ekitaldiak
17/10/2025 - Pasaia
Ipuin kontalaria: "Lurrari bira ematea ahaztu zitzaienekoa
Ipuin saio honetan klima aldaketak eragin ditzakeen ondorio larriak fikziozko egoera batekin azaltzen dira, lurrak bira emateari utzi baitio eta.
Lurrari bira egitea ahaztu zaio. Horregatik, planeta erdia egunez bizi da erabat eta beste erdia gauez. Egoera horrek arazo oso larriak sortzen ditu. Konponbidea aurkitzeko gai izango gara?
17/10/2025 - Bilbao
Kutsatutako Lurrei buruzko Autonomia Erkidegoen XV. Foroa
Foro hau bilera informal gisa sortu zen, eta Euskadik hirugarren aldiz hartu du bere gain antolaketa. Aurreko bi edizioak 2010ean eta 2011n egin ziren. Bi helburu nagusi ditu: lur kutsatuei buruzko ezagutza eta esperientziak partekatzea (metodoak, praktikak, aurrerapenak, berrikuntza, legedia aztertzea, benchmarking-a) eta autonomia-erkidegoen arteko lankidetza sustatzea.
17/10/2025 - Urduña/Orduña
Trantsizio energetikoari buruz ikasi LED argi bat pizteko gai den haize-sorgailu bat eraikiz
17/10/2025 - Gorliz
Birziklatutako materiala erabiliz musika-tresna sortzea
Ikasleek birziklatutako materiala oinarri hartuta musika-tresna bat egiten ikasiko dute. Gitarra bat sortuko dute. Prozesuaren zehar, gure kontsumo-ereduak eta sortzen dugun hondakin-kopuru handiak ingurumenean eta bereziki klima-aldaketan duten inpaktuaz jabetuko dira.
17/10/2025 - Donostia-San Sebastián
Latires erakusketa
Nisa Goibururen erakusketa-proiektuak, naturarekiko dugun loturari buruzko geldialdi eta gogoeta gune bat irekitzen digu. Poesiaren eta pinturaren uztarketaren bidez, artistak gogorarazten digu lurrarekin bereizezinak garela eta, klima-aldaketak markatutako une honetan, bere erritmoak entzutea inoiz baino premiazkoagoa dela. Izenburuak bizidun oro zeharkatzen duten pultsuak aipatzen ditu —giza taupadak, haizearen xuxurlak, itsasoaren olatuak, urtaroen zikloa— funtsezkoarekin berriro konektatzeko eta oreka horren hauskortasunaz jabetzeko deialdi gisa.
17/10/2025 - Arrieta
Energia jasangarritasunari eta klima-aldaketari buruzko antzararen jolasa
Klima aldaketa txikienekin lantzeko prestaturiko "Antzarraren jolasa"ren bitartez lehen hezkuntzako haurrek klima aldaketari buruzko hainbat galdera erantzunez eta beste hainbat proba gaindituz egingo dute aurrera jolasean. Klima aldaketa zer den, honi aurre egiteko beraien esku zer dagoen eta dakazkien ondorioen aurrean nola egokitu ikasiko dute.
