2026ko edizioa
Euskadiko Klima eta Energiaren Astea 2026
Urriaren 16tik 25era Euskadiko Klima eta Energiaren Astea izango da. Bertan, milaka pertsonak jarduera-programa zabal batez gozatzeko aukera izango dutela aurreikusten da. Programa horrek dibulgazioa, sentsibilizazioa eta esperientzia praktikoak uztartuko ditu lurralde osoan.
Ekimena Eusko Jaurlaritzako Industria, Trantsizio Energetiko eta Jasangarritasun Sailak bultzatzen du, Energiaren Euskal Erakundearen (EEE) eta Ihobe ingurumen-kudeaketarako sozietate publikoaren lankidetzarekin.
Datozen ekitaldiak
17/10/2026 - Gorliz
Gorlizko duna petrifikatuetara bisita
Astondoko duna petrifikatuetara bisita gidatua, bertatik bertara haien jatorria, bilakaera eta ezaugarri nagusiak ezagutzeko.
17/10/2026 - Errenteria
“ORGANIK" antzezlana
Mr. Natural bioabenturazale ausart eta bihotz onekoak maite ditu barazki eta fruituak, eta ahotsa eta bizitza ematen die. Baina bere itzalak, Yoyok, naturaren gaineko nagusitasuna eta bizitza menderatzeko gosea irudikatzen ditu.
17/10/2026 - Busturia
Moda jasangarria: ecoprint – bundle dye
Eta hostoak, sustraiak eta azalak estanpatu paregabe bihurtu ahal balira?
17/10/2026 - Muxika
Erabilitako arropa, jostailu eta liburuen azoka
Etxean ditugun eta erabiltzen ez ditugun arropak, jostailuak, liburuak saltzeko aukera, kontsumo eredu jasangarri bat lortzeko asmoarekin.
17/10/2026 - Getxo
Kostaldeko «termometroa»
Uraren osasuna aztertzeko jarduera, tenperatura, pH-a eta mikroplastikoak neurtuta, eta klima aldaketak Kantauriko ekosisteman dituen ondorioak ezagutzeko.
17/10/2026 - Irún
Ezagutu Bidasoa ibaia piraguan
ASTEKLIMA ospakizunaren baitan, Bidasoa ibaia arraunean ikustea proposatzen dizugu, Endarlatsatik Txingudiko paduretaraino.