2026ko edizioa
Euskadiko Klima eta Energiaren Astea 2026
Urriaren 16tik 25era Euskadiko Klima eta Energiaren Astea izango da. Bertan, milaka pertsonak jarduera-programa zabal batez gozatzeko aukera izango dutela aurreikusten da. Programa horrek dibulgazioa, sentsibilizazioa eta esperientzia praktikoak uztartuko ditu lurralde osoan.
Ekimena Eusko Jaurlaritzako Industria, Trantsizio Energetiko eta Jasangarritasun Sailak bultzatzen du, Energiaren Euskal Erakundearen (EEE) eta Ihobe ingurumen-kudeaketarako sozietate publikoaren lankidetzarekin.
Datozen ekitaldiak
18/10/2026 - San Milllán/Donemiliaga
Hegaztien eraztunketa zientifikoko tailerra
Tailerrean, gertutik ezagutuko dira hegaztiak sareen bidez harrapatzeko prozesua, datuen bilketa, eraztunketa eta ondorengo askapena.
18/10/2026 - Pasaia
Itsas hondakinen arrantza
Kantauri itsasoa zaintzeko jarduera parte-hartzailea, MATER ontzian talde-lanean arituz itsas hondakinak aurkitzen eta biltzen laguntzeko.
18/10/2026 - Busturia
BBK Klima Abentura: Gemen bila
Klima Abentura Urdaibaiko Biosferaren bihotzean dagoen esperientzia-parke bat da, klima-aldaketaz sentsibilizatzeko eta kontzientziatzeko diseinatua. Lortu 4 gema planetaren zaindari bihurtzeko.
18/10/2026 - Getxo
KLIMA familia-tailerrak: jolasak eta esperientziak familian
Familian ikasteko, sortzeko eta materialak berrerabiltzeko jardunaldia, zazpi proposamenen bidez.
18/10/2026 - Donostia - San Sebastián
Pleamar proiektua. Bisita gidatua eta tailerra
Biodiversidad Fundazioko ordezkariek Pleamar Proiektuaren esparruan hautatutako proiektuen jarraipenari eta gauzatzeari buruzko azalpenak emango dituzte, eta, ondoren, parte-hartzaileek, haurrak dituzten familiak, Itsasoari korapilatuta tailerra egingo dute.