Teknologia Garbien Euskal Zerrendan jasotako teknologiek ingurumen- eta zerga-onurak dakarzkiote enpresari. Izan ere, zerrenda horretan jasotako edozein teknologia eskuratuz gero, ekipoaren inbertsio-kostuaren % 35eko kenkaria lor daiteke sozietateen gaineko zergaren kuotaren gainean.
Eguneraketa berri bat egiten denera arte, 2024an, zerrenda 64 teknologiak osatzen dute. Horietatik 16 energia berriztagarrien arlokoak dira, 19 ekonomia zirkularraren arlokoak eta 29 zero kutsadurakoak.
Basque Ecodesign Center ekimenak ingurumen-zaintza estrategikoari buruzko txostenak egiten ditu bere zaintza-sistemaren bidez eskuratutako ezagutzan oinarrituta. Honako hau txosten horien hirugarren edizioa da. Hala, ekonomia deskarbonizatu eta zirkularrago baterako trantsizio-palanka gisa araugintzan eta merkatuan dauden azken berrikuntzak batzea du helburu. Horrez gain, estandar berriak eta aitortutako metodologiak identifikatzen ditu, hain zuzen ere Basque Ecodesign Centerreko enpresa bazkideek diharduten balio-kateetarako esanguratsuak izan daitezkeenak.
Ihoberen memoria korporatiboa formatu interaktiboan dago eskuragarri, eta Eusko Jaurlaritzaren Ingurumen Jarduketarako Sozietate Publikoak 2024ko ekitaldian izan dituen emaitza nagusiak aztertzen ditu.
2024ko ekitaldian Europar Batasuneko Ekoetiketa eta EMAS Erregistroaren arloan egindako lanaren eta emaitzen txostena. Txostenak Europar Batasuneko Ekoetiketaren bilakaera eta EAEko produktuen eta ziurtagirien ordezkaritza aurkezten ditu Espainiako gainerako lurraldeekin alderatuta. Halaber, Europako Ingurumen Kudeaketa Sistemaren bilakaera aurkezten du EAEko enpresetan.