Dokumentuak gidalerroak biltzen ditu deskarbonizazioari eta klima-aldaketara egokitzeari lotutako aurrekontu-partidak identifikatzeko eta sailkatzeko, Trantsizio Energetikoaren eta Klima Aldaketaren 1/2024 Legeak ezartzen duen bezala, eta trantsizio energetikoaren eta klimatikoaren ikuspegia % 1,9an balioesten du aurrekontu orokorretan.
Euskadiko Industria Ekobarometroa Eusko Jaurlaritzako Industria, Trantsizio Energetiko eta Jasangarritasun Saileko Ihobe sozietate publikoak egiten du aldian behin. Txosten honek euskal industria-enpresek ingurumenaren arloan duten pertzepzioa, jarrerak eta portaerak ebaluatzen ditu. Edizio honetan, azterketa eskualdeko ingurumen-estrategiaren barruan kokatzen da, eta bere irismen tematikoa zabaltzen du, ekoberrikuntzari eta digitalizazioari lotutako dimentsio berriak txertatzeko.
Ekonomia Zirkularraren eta Bioekonomiaren 2024ko Planaren azken ebaluazioaren txostenaren helburuak hauek dira: alde batetik, planaren betetze-maila ebaluatzea. Horretarako, garatutako ekintzak, eskuratutako lorpen eta emaitza nagusiak eta plana betetzean detektatutako aurrekontu-desbideratzeak analizatu dira. Beste alde batetik, inpaktu orokorra baloratzea. Horretarako, jarraipen- eta emaitza-adierazleen bilakaera aztertu da, baita ere jarduketa-lerroek planaren helburu estrategikoei egin dizkieten ekarpenak.
Euskadiko 2030 Erosketa eta Kontratazio Berdearen Programaren Jarraipen Txostenaren helburua da Programaren aurrerapena zehaztea eta 2030erako ezarritako helburuak lortzeko neurriak eta ekintzak iradokitzea.
Gida hori LIFE IP Urban Klima 2050 proiektuan sartuta dago, toki-administrazioetarako tresnak eta prestakuntza sortzeko ekintzen barruan, eta EAEko udalei metodologia-esparru argia ematen die klima-aldaketari lotutako erronkei aurre egiten lagunduko dieten hainbat tresna aplikatzeko, indarrean dagoen eta etorkizuneko arau-esparruaren arabera.
Klima Aldaketari eta Trantsizio Energetikoari buruzko Legearen arabera, 50.000 biztanletik gorako udalerrietan eta airearen kalitateari buruzko araudian araututako kutsatzaileen muga-balioak gainditzen dituzten 20.000 biztanletik gorako udalerrietan emisio txikiko eremuak ezarri behar dira. Euskal Autonomia Erkidegoan, 50.000 biztanletik gorako sei udalerrik ezarri behar dute: Gasteizek, Irunek, Donostiak, Bilbok, Barakaldok eta Getxok.
Euskadiko Ingurumen Koiunturari buruzko 2025ko txostena helburu bikoitza du: ingurumen-bektore nagusien azken aldiko bilakaeraren berri ematea eta lurraldearen ingurumen-koiunturaren ezaugarri diren joera garrantzitsuenen irakurketa sintetiko eta ulergarria erraztea. Helburua da ingurumenaren egoeraren irudi argia eta eguneratua ematea, zehatz-mehatz erakutsiz zer gertatzen ari den eremu bakoitzean, non gertatzen diren aurrerapenak eta non irauten duten erronkek, eta egungo ibilbidea zein neurritan hurbiltzen den edo urruntzen den ezarritako helburuetatik.
Ihoberen memoria korporatiboa formatu interaktiboan dago eskuragarri, eta Eusko Jaurlaritzaren Ingurumen Jarduketarako Sozietate Publikoak 2025ko ekitaldian izan dituen emaitza nagusiak aztertzen ditu.
Eusko Jaurlaritzako Industria, Trantsizio Energetiko eta Jasangarritasun sailari atxikitako Ihobe Ingurumen Jarduketarako Sozietateak landutako “Ekonomia Zirkularraren Adierazleak Euskadi 2026” txostenak eguneratu egin du ekonomia zirkularrak Euskadin duen ezarpenaren jarraipen-panela -panel hori 2018an abiatu zen eta 2021ean eguneratu zen-; beraren bitartez ebaluatzen da lurraldeak egindako aurrerapena, Europar Batasunak eta Euskadiko Ekonomia Zirkularraren 2030erako Estrategian ezarritako helburuei dagokienez.