Argitalpen honek 2017 eta 2023 urteen artean Ekoberrikuntza Programa Zirkularraren esparruan amaitutako 74 proiekturen emaitzak jasotzen ditu. Ihobek —Eusko Jaurlaritzako Ekonomiaren Garapen, Jasangarritasun eta Ingurumen Sailaren ingurumen-jarduketako sozietate publikoak— kudeatzen du programa hori, eta ekodiseinua, ekonomia zirkularraren demostrazioa eta ekoberrikuntza estrategikoa sustatzen ditu euskal enpresetan.

Dokumentu honen xedea da eskura dauden ingurumen, gizarte eta gobernantza kalifikazioko (ESG, ingelesezko siglen arabera) jarduera sorta zabala bildu eta sailkatzen duen baliabide bat eskaintzea.

Bezeroen, inbertitzaileen eta beste alderdi interesdun batzuen erabakiak hartzeko orduan jasangarritasuna eta erantzukizun korporatiboa gero eta garrantzitsuagoak diren ingurune global batean, enpresa eragileei beren behar, balio eta helburu estrategikoetara hobekien egokitzen den ESG ebaluazio sistema hautatzeko behar duten ezagutza ematea da gida honen helburua.

Euskadik 203.372.197 euro inbertitu zituen guztira 2010 eta 2021 urteen artean Natura 2000 Sarea osatzen duten espazioetan, eta horrek 9 euroko itzulkina ekarri zuen ekosistemetako zerbitzuetan inbertitutako euro bakoitzeko, hala nola elikagaien ekoizpena, ura eta energia, klimaren kontrola, uraren arazketa, polinizazioa, osasunaren hobekuntza, aisialdia eta naturaren gozamena.

Airearen kalitatearen arloko egungo lege guztiak betetzen badira ere, hobetzeko aukerak daude, nagusiki Euskadiko herritarren osasunarekin zuzeneko lotura duten parametro atmosferikoei lotutakoak. Hori dela eta, Eusko Jaurlaritzaren ustez beharrezkoa da plangintza-tresna berri bat garatzea, 2030erako Euskadiko Airearen Kalitatearen lehen Plana, alegia. Plan horrek Euskadiren arlo horretako jarduna zuzenduko du 2030. urtera arte, ikuspegi estrategiko baten eta garatu beharreko hainbat lan-ildoren bidez.

Erakundeak 2023an ospatu zuen bere urtemuga, eta bere ibilbidea, izan diren mugarriak, eman dituen zerbitzuak eta lankide izan dituen sare edo eragile ugariak ezagutarazi ditu.

Europar Batasuneko Etiketa Ekologikoaren eta Euskadiko EMAS Erregistroaren arloan 2023ko ekitaldian egindako lanen eta emaitzen txostena. Euskal enpresetan Europar Batasunaren etiketa ekologikoaren bilakaera eta EAEko produktuen eta ziurtagirien adierazgarritasuna aurkezten dira, estatuko gainerakoekin alderatuta. Era berean, Europako Ingurumen Kudeaketako sistemak euskal enpresetan izan duen bilakaera.

Berotegi Efektuko Gasen Emisioen Inbentarioaren aurrerapen horren arabera, nahiz eta behin-behineko datuak izan, Euskadiko emisioen beheranzko joerari eutsiko litzaioke 2023an: joan den urterako aurreikuspenen arabera, 17 milioi tona inguru izan ziren, hau da, 2005. urtean baino % 33 gutxiago eta aurreko urtean baino % 8,4 gutxiago.