2026ko edizioa
Euskadiko Klima eta Energiaren Astea 2026
Urriaren 16tik 25era Euskadiko Klima eta Energiaren Astea izango da. Bertan, milaka pertsonak jarduera-programa zabal batez gozatzeko aukera izango dutela aurreikusten da. Programa horrek dibulgazioa, sentsibilizazioa eta esperientzia praktikoak uztartuko ditu lurralde osoan.
Ekimena Eusko Jaurlaritzako Industria, Trantsizio Energetiko eta Jasangarritasun Sailak bultzatzen du, Energiaren Euskal Erakundearen (EEE) eta Ihobe ingurumen-kudeaketarako sozietate publikoaren lankidetzarekin.
Datozen ekitaldiak
21/10/2026 - Bilbao
Klima-aldaketara egokitzea Euskadin
Carlos Castillo Ihobeko Klima Ekintzaren Arloko proiektu-arduradunak azalduko du nola bihurtu den klima-aldaketara egokitzea erronka estrategiko Euskadirentzat.
21/10/2026 - Getxo
Liburu-trukea
Ekarri liburu bat eta eraman antzeko ezaugarriak dituen beste bat. Istorioak trukatzeko, irakurzaletasuna sustatzeko eta liburuen bizitza erabilgarria luzatzeko proposamena.
21/10/2026 - Gorliz
One Health Gorliz–Plentziaren aurkezpena eta bisita gidatua
One Health Living Lab Gorliz–Plentziaren aurkezpena, Plentziako Itsas Estaziora egingo den bisita gidatuarekin osatuko dena.
21/10/2026 - Bilbao
Trantsizio energetikoari buruzko mintegia Bilboko Ingeniaritza Eskolan
«Trantsizio energetikoa: datuak, politikak eta estrategiak Euskadin» izenburupean, David Casasek, Energiaren Euskal Erakundeko (EEE) Plangintza eta Arauketako zuzendariak, mintegi espezializatu bat eskainiko du ASTEKLIMA 2026ren esparruan.
20/10/2026 - Barakaldo
Euskadiko errealitate energetikoari buruzko dibulgazio-hitzaldia Barakaldon
«Euskadiko eredu energetikoa» izenburupean, Energiaren Euskal Erakundeko (EEE) teknikari espezializatuek dibulgazio-hitzaldi bat eskainiko dute, Euskadiko errealitate energetikoa eta sorkuntza berriztagarriago bat lortzeko erronka nagusiak ezagutarazteko.
20/10/2026 - Pasaia
Pasai Donibaneko babesleku klimatikoak ezagutzeko ibilaldiak
Jardueraren bidez, herritarrek bero-boladen eta aldaketa klimatikoaren ondorioei aurre egiteko diseinatutako guneak ezagutuko dituzte, baita espazio horiek ongizatean, osasunean eta hiriaren klima-egokitzapenean duten zeregina ere.