2026ko edizioa
Euskadiko Klima eta Energiaren Astea 2026
Urriaren 16tik 25era Euskadiko Klima eta Energiaren Astea izango da. Bertan, milaka pertsonak jarduera-programa zabal batez gozatzeko aukera izango dutela aurreikusten da. Programa horrek dibulgazioa, sentsibilizazioa eta esperientzia praktikoak uztartuko ditu lurralde osoan.
Ekimena Eusko Jaurlaritzako Industria, Trantsizio Energetiko eta Jasangarritasun Sailak bultzatzen du, Energiaren Euskal Erakundearen (EEE) eta Ihobe ingurumen-kudeaketarako sozietate publikoaren lankidetzarekin.
Datozen ekitaldiak
19/10/2026 - Zalla
KLIMA Azoka, Zallan
KLIMA Azoka esperientzia interaktibo bat da, herritarrak mobilizatzeko, hezteko eta klima-aldaketaren aurrean jarduteko beharraren inguruan kontzientziatzeko diseinatua.
19/10/2026 - Hernani
Altzari hondakinekin egindako elkarlaneko esku-hartze artistikoa
Esku-hartze artistikoa herriko plazan hondakinen bilketa zerbitzutik jasotako altzariekin.
19/10/2026 - Andoain
Bigarren bizitzaren bidean
Gailu elektriko eta elektronikoen hondakinen (GEEH) kudeaketa egokiari buruz sentsibilizatzeko tailer praktikoa, gailu horiek modu egoki eta arduratsuan birziklatzen irakasteko.
19/10/2026 - Vitoria - Gasteiz
HORMA KLIMATIKOA
Idazteko eta marrazteko gainazalak dituzten hainbat kuboren bidez, parte-hartzaileek kontsumoaren, hondakinen, uraren, energiaren, mugikortasunaren, biodibertsitatearen eta elikaduraren inguruko kezkak, emozioak, ideiak eta konpromisoak partekatuko dituzte.
19/10/2026 - Hernani
Urumea ibai garbiketan aurkitutako hondakinen kale-erakusketa
Ibaian aurkitutako hondakinen kale-erakusketaren helburu nagusia da giza jarduerak tokiko ekosistemetan duen inpaktua ikusaraztea eta herritarrengan ingurumen-kontzientzia sakona sortzea.
18/10/2026 - Irún
Zuhaitz, hosto eta koloreen artean
ASTEKLIMAren barruan, familia esperientzia honek landare detektibe bihurtzera gonbidatzen gaitu, Txingudiko florak bizi dugun klima nola islatzen duen jakiteko.