2026ko edizioa
Euskadiko Klima eta Energiaren Astea 2026
Urriaren 16tik 25era Euskadiko Klima eta Energiaren Astea izango da. Bertan, milaka pertsonak jarduera-programa zabal batez gozatzeko aukera izango dutela aurreikusten da. Programa horrek dibulgazioa, sentsibilizazioa eta esperientzia praktikoak uztartuko ditu lurralde osoan.
Ekimena Eusko Jaurlaritzako Industria, Trantsizio Energetiko eta Jasangarritasun Sailak bultzatzen du, Energiaren Euskal Erakundearen (EEE) eta Ihobe ingurumen-kudeaketarako sozietate publikoaren lankidetzarekin.
Datozen ekitaldiak
20/10/2026 - Elgoibar
Klima-aldaketari buruzko herritarren jardunaldia
Saioan, mapan klima-aldaketaren aurrean zaurgarriak diren eremuak eta berotik babesteko eremuak kokatuko ditugu.
20/10/2026 - Hernani
Haulout (2022) eta Flow (2024) filmen emanaldia
Film labur bat eta luze bat jarriko dira. Batetik, Haoulout (2022) film labur dokumentala proiektatuko da eta bestetik, Flow (2024), filma. Jatorrizko hizkuntzan proiektatuko dira, gaztelaniazko azpitituluekin.
20/10/2026 - Getxo
Baratzetik platerera: 0 km-ko sukaldaritza
Elikagaien xahuketa murrizteko tailerra, erosketa arduratsuaren, hozkailuaren antolaketa egokiaren eta hainbat otordu aldi berean prestatzearen bidez. Soberakinak aprobetxatzeko errezeta bat elkarlanean prestatzea eta dastatzea ere barne hartzen ditu.
20/10/2026 - Zumarraga
IPUINKONTAKETA: NIK MAITE DUT NATURA
Mirua sorginak eskaintzen digun 45 minutuko ipuin-saio honetan, natura izango da protagonista: mendiak, itsasoak eta animaliak agertuko dira istorioetan.
20/10/2026 - Alegia
Diseinu Zirkularreko Tailerra
Diseinu- eta berrikuntza-metodologietan oinarritutako tailer parte-hartzailea, hondakin-materialak erabiliz produktuak sortzeko erabilera eta aplikazio berriak asmatzeko.
20/10/2026 - Barakaldo
Euskadiko errealitate energetikoari buruzko dibulgazio-hitzaldia Barakaldon
«Euskadiko eredu energetikoa» izenburupean, Energiaren Euskal Erakundeko (EEE) teknikari espezializatuek dibulgazio-hitzaldi bat eskainiko dute, Euskadiko errealitate energetikoa eta sorkuntza berriztagarriago bat lortzeko erronka nagusiak ezagutarazteko.