2026ko edizioa
Euskadiko Klima eta Energiaren Astea 2026
Urriaren 16tik 25era Euskadiko Klima eta Energiaren Astea izango da. Bertan, milaka pertsonak jarduera-programa zabal batez gozatzeko aukera izango dutela aurreikusten da. Programa horrek dibulgazioa, sentsibilizazioa eta esperientzia praktikoak uztartuko ditu lurralde osoan.
Ekimena Eusko Jaurlaritzako Industria, Trantsizio Energetiko eta Jasangarritasun Sailak bultzatzen du, Energiaren Euskal Erakundearen (EEE) eta Ihobe ingurumen-kudeaketarako sozietate publikoaren lankidetzarekin.
Datozen ekitaldiak
21/10/2026 - Bilbao
Trantsizio energetikoari buruzko mintegia Bilboko Ingeniaritza Eskolan
«Trantsizio energetikoa: datuak, politikak eta estrategiak Euskadin» izenburupean, David Casasek, Energiaren Euskal Erakundeko (EEE) Plangintza eta Arauketako zuzendariak, mintegi espezializatu bat eskainiko du ASTEKLIMA 2026ren esparruan.
21/10/2026 - Getxo
Batukada material birziklatuekin
Sortu musika-tresnak plastikoa, kartoia eta metala berrerabiliz. Ikasi hondakinak eraldatzen eta parte hartu egindako musika-tresnekin eskainiko den batukada-erakustaldi batean.
21/10/2026 - Dima
Aldaketa klimatikoa eta suteak
Aldaketa klimatikoak baso eta mendi ekosistemetan dituen ondorioak aztertuko dira, bereziki baso-suteen arriskua areagotzen duten faktoreak eta azken urteotan gero eta maizago eta intentsitate handiagoz gertatzen diren suteek ingurumenean eta gizartean duten eragina.
21/10/2026 - Ortuella
Asiar liztorrei buruzko prestakuntza
Zer dakigu asiar liztorrari (Vespa velutina) buruz eta nola jokatu behar dugu haren aurrean?
20/10/2026 - Zumarraga
ERAKUSKETA: KLIMA ALDAKETARI AURRE!
“Klima aldaketari aurre!” erakusketa egongo da ikusgai Zelai Ariztiko Kultur Etxearen sarreran (Izadi 21 eta Laia kooperatibak osatutako lan-taldearena). Bederatzi panelek osatzen dute erakusketa, eta herritar guztiek izango dute bertara hurbiltzeko aukera.
20/10/2026 - Elgoibar
Klima-aldaketari buruzko herritarren jardunaldia
Saioan, mapan klima-aldaketaren aurrean zaurgarriak diren eremuak eta berotik babesteko eremuak kokatuko ditugu.