2025eko-edizioa

Klima Azoka esperientzia interaktiboa da, herritarren kontzientzia pizteko, hezteko eta mobilizatzeko, klima-aldaketaren aurrean ekiteko beharra azpimarratuz. 7 karpa tematiko ditu, eta bakoitzak ekintza klimatikoaren alderdi ezberdinak lantzen ditu. Joko eta dinamiken bitartez, parte-hartzaileek kontzeptu klimatiko gakoak barneratzen dituzte eta klima-lanerako ekarpen konkretuak aurkitzen dituzte. Helburua da pertsona bakoitzak konpromiso pertsonal bat hartzea, eguneroko bizitzan aldaketak eginez, eta bere komunitatean eraldaketa-agentzia bihurtzea.

Trantsizio energetikoaren inguruko ipuin-kontalaria, haur eta helduei energia garbiak erabiltzea eta planeta zaintzea zein garrantzitsuak diren ulertzen laguntzeko. Hurbileko pertsonaia eta kontakizunen bidez, energiaren erabilera arduratsuak eta kooperazioak aldaketa klimatikoa gelditu dezakeela eta etorkizun jasangarriago bat eraikitzen duela erakutsiko du.

Herriko plazan informazio-puntua antolatu herritarrei arreta pertsonalizatua eskaintzeko: Gaiak: iturri berriztagarriak, energia biltegiratzea, eraginkortasun neurriak gure etxebizitzetan, energia-fakturen analisia eta dirulaguntza posibleak.

HOPE dokumentalaren proiekzioa eta ondorengo solasaldia. Docuserie honek istorio hunkigarriak, datuak eta hausnarketak uztartzen ditu, krisi klimatikoari buruzko ikuspegi baikor eta zorrotzetik abiatuta.

Trakamatraka birziklatutako materialarekin sortutako instrumentuekin osatutako ikuskizun bat eskainiko du. Ikuskizun hau publiko guztientzat zuzenduta dago, bereziki familientzat. Proiektu honek musika, birziklapena, sormena eta irudimena batzen ditu, musika-aniztasuna eta ingurumenarekiko errespetua sustatuz, bereziki klima-aldaketaren kontzientziazioa bultzatuz. Tresnen bidezko bidaia bat, mundu berriak deskubritzeko, kontziente izanik birziklapena bide bat dela mundu hobe baterantz.

Inguruko bizikleta zaharrak batu, konpondu eta herritarrentzat erabilgarri utziko ditugu. Izan ere, birziklatzeak kutsadura eta baliabideen kontsumoa murrizten laguntzen du, eta horrek zuzenean laguntzen du klima-aldaketa geldiarazten eta etorkizuneko belaunaldientzat planeta babesten.