2026ko edizioa
Euskadiko Klima eta Energiaren Astea 2026
Urriaren 16tik 25era Euskadiko Klima eta Energiaren Astea izango da. Bertan, milaka pertsonak jarduera-programa zabal batez gozatzeko aukera izango dutela aurreikusten da. Programa horrek dibulgazioa, sentsibilizazioa eta esperientzia praktikoak uztartuko ditu lurralde osoan.
Ekimena Eusko Jaurlaritzako Industria, Trantsizio Energetiko eta Jasangarritasun Sailak bultzatzen du, Energiaren Euskal Erakundearen (EEE) eta Ihobe ingurumen-kudeaketarako sozietate publikoaren lankidetzarekin.
Datozen ekitaldiak
17/10/2026 - Gallarta
Moda jasangarria: tindaketa naturalak
Zatoz tindaketa naturalaren mundua ezagutzera eta eman kolorea artileari gure inguruko landareak eta bestelako baliabide naturalak erabiliz.
17/10/2026 - Getxo
KLIMA Azoka, Getxon
KLIMA Azoka esperientzia interaktibo bat da, herritarrak mobilizatzeko, hezteko eta klima-aldaketaren aurrean jarduteko beharraren inguruan kontzientziatzeko diseinatua.
17/10/2026 - Busturia
BBK Klima Abentura: Gemen bila
Klima Abentura Urdaibaiko Biosferaren bihotzean dagoen esperientzia-parke bat da, klima-aldaketaz sentsibilizatzeko eta kontzientziatzeko diseinatua. Lortu 4 gema planetaren zaindari bihurtzeko.
17/10/2026 - Busturia
Klima-aldaketa hemen eta orain
Ingurumenaren Nazioarteko Eguna dela-eta inauguratzen dugun Ekoetxea Urdaibairen erakusketa iraunkor berriak esperientzia ulergarri, murgilgarri eta hurbila bihurtzen du klima-aldaketa.
17/10/2026 - Gorliz
Gorlizko duna petrifikatuetara bisita
Astondoko duna petrifikatuetara bisita gidatua, bertatik bertara haien jatorria, bilakaera eta ezaugarri nagusiak ezagutzeko.
17/10/2026 - Busturia
Moda jasangarria: ecoprint – bundle dye
Eta hostoak, sustraiak eta azalak estanpatu paregabe bihurtu ahal balira?