2025eko-edizioa

Eraiki etxe bat material birziklatuekin.
Parte-hartzaileek oinarrizko zirkuitu elektrikoak egiten eta energia berriztagarriak erabiltzen ikasiko dute: argiztapena, tinbrea, plaka fotovoltaikoak eta askoz gehiago!
STEAM esperientzia bat da, sormena, jasangarritasuna eta jolasa uztartzen dituena.
Amaieran, parte-hartzaileen etxe guztiak elkartuko dira eta argiztatutako herri kolektibo handi bat sortuko da!

Tailer hau taldeko jarduera interaktibo bat da, herritarrak Euskadiko Klima Narratiben Behatokira hurbiltzeko. Behatokia hiritarren zientzia eta lurralde partaidetzako ekimen bat da, herritarrak nola hitz egiten, sentitzen eta pentsatzen duen klima-aldaketari buruz entzuteko eta ikusgarri egiteko helburua duena.

Honakinak birziklatzearen garrantziaz kontzientzia hartzeko helburuarekin familiei zuzenduriko antzerkia egingo da. Izan ere, ingurune osasungarri bat izanik, klima-aldaketara hobeto egokituta egon ahal izan gara.

Ziklobizi Eskola herritarrak klima-aldaketaz eta mugikortasun iraunkorraren garrantziaz kontzientziatzea bilatzen duen prestakuntza-tailerra da. Horretarako, tailer bat antolatu da, eta bertan ikasiko dugu kutsatzen ez duen garraio batean mugitzen, bizikletaz, modu seguruan. Tailer honek 2 atal ditu. Didaktikoagoa, bizikletaz ibiltzeko modu egokia azaltzen duena, seinaleak eta trafiko-arauak interpretatuta. Bestea ludikoagoa da, eta zirkuitu bat du, seinaleak, semaforoak eta abar dituena.

Nahiz eta aldian-aldian berokuntza-sistema mota jakin bat “modan” jarri, egia esan, sistemarik eraginkorrena zein den jakiteko, hainbat alderdi aztertu behar dira: etxebizitza mota, jada instalatuta dauden aparatu edo hodiak, etxebizitzaren erabilera, etab. Helburua da herritarrak gaiari buruzko nozio argi batzuekin ateratzea eta berogailu-sistemei buruzko oinarrizko irizpideak izatea, merkatuko berrikuntzek eragindako erabakiak ez hartzeko etorkizunean.