2025eko-edizioa

Eraiki etxe bat material birziklatuekin.
Parte-hartzaileek oinarrizko zirkuitu elektrikoak egiten eta energia berriztagarriak erabiltzen ikasiko dute: argiztapena, tinbrea, plaka fotovoltaikoak eta askoz gehiago!
STEAM esperientzia bat da, sormena, jasangarritasuna eta jolasa uztartzen dituena.
Amaieran, parte-hartzaileen etxe guztiak elkartuko dira eta argiztatutako herri kolektibo handi bat sortuko da!

Tailer hau taldeko jarduera interaktibo bat da, herritarrak Euskadiko Klima Narratiben Behatokira hurbiltzeko. Behatokia hiritarren zientzia eta lurralde partaidetzako ekimen bat da, herritarrak nola hitz egiten, sentitzen eta pentsatzen duen klima-aldaketari buruz entzuteko eta ikusgarri egiteko helburua duena.

Udaletxean informazio-puntua jarriko da herritarrei arreta pertsonalizatua eskaintzeko. Gaiak: iturri berriztagarriak, energia biltegiratzea, eraginkortasun neurriak gure etxebizitzetan, energia-fakturen analisia eta dirulaguntza posibleak.

Energia Planaren jarraipena azaltzeko hitzaldia eta frontoiko instalazio fotovoltaikoaren nondik norakoak.

Euskal Herria Kantauri itsasoari eta arrantzari estuki lotutako herria da. Itsasoa gure historiaren, gure kulturaren eta gure nortasunaren parte izan da betidanik. Baina kostaldeko herrietan, garai zaharrak bizi izan dituztenek esaten dutenez, arrantza-portuen inguruan sortzen zen bizimodua oso bestelakoa zen lehen. Nolakoa litzateke Euskal Herria, arrantzarik gabe? Nolakoak lirateke gure arrandegiak, bertako arrainik gabe? Non arrantzatzen da jaten dugun arraina? Nolako erosketa egingo dugu hurrengoan arrandegian? Zein da arrantza-sektorearen egoera klima-aldaketaren egungo testuinguruan?

Hitzaldi informatiboa Tantai Baso Jabe Kooperatibari buruz, baso kudeaketa jasangarriaren garrantzia eta klima-aldaketara egokitzeko duen eragina azalduz.