2025eko-edizioa
Urriaren 17tik 26ra, milaka pertsonak parte hartu zuten Euskadiko Klima eta Energiaren Astean, eta dibulgazioa, sentsibilizazioa eta esperientzia praktikoak uztartzen zituzten jarduera programa zabalaz gozatu ahal izan zuten.
Ekimena Eusko Jaurlaritzako Industria, Trantsizio Energetiko eta Jasangarritasun Sailak bultzatu du, Energiaren Euskal Erakundearen (EEE) eta Ihobe ingurumen-kudeaketarako sozietate publikoaren lankidetzarekin.
Actividades
Entidades
Locales
Otras
Entidades
Ekitaldiak
22/10/2025 - Getxo
Tailera: Lorontzian baratzea, Furgobaratzarekin
Furgobaratza zerbitzu ibiltariak autokontsumorako baratzeei buruzko aholkularitza eskaintzen du eta kultura ekologikoa sustatzen du. Tailer honen bidez, etxean baratze txiki bat sortzen ikasiko duzu, lorontziak, substratuak, ureztapena, ereintza eta beste hainbat kontzeptu lantuz.
Amaieran, parte-hartzaileei etxean landatzeko haziak emango zaizkie.
22/10/2025 - Ordizia
Hitzaldia: Ibaien eta hauen landarediaren garrantzia
Giza jarduera gero eta indartsuagoek ingurumen-aldaketa globala eragin dute Lurrean. Horren eraginez, gizakia biodibertsitate-galera izugarria bultzatzen ari da eta ekosistemen funtzionamendua errotik aldatzen ari da. Arturo Elosegi Irurtia Euskal Herriko Unibertsitateko Zientzia eta Teknologia Fakultatean, Landareen Biologia eta Ekologia sailean, irakaslea da eta gai honen inguruko hitzaldia emango du.
22/10/2025 - Errenteria
Hitzaldia: 50/50 proiektua
50/50 proiektu hau Errenteriako udalaren eta ikastetxe publikoetako erabiltzaileen eta langileen arteko akordioan oinarritzen da eta instalazioen eguneroko erabileran eta kudeaketan energia aurrezteko ekintzak inplementatzea du helburu. Bizarain Ikastolako eta Cristobal Gamon ikastetxeko erabiltzaileek beren esperientziaren berri emango digute.
22/10/2025 - Fruiz
Informazio-puntua 1
Lurbarri eraikinean informazio-puntua jarriko da herritarrei arreta pertsonalizatua eskaintzeko.
Gaiak: iturri berriztagarriak, energia biltegiratzea, eraginkortasun neurriak gure etxebizitzetan, energia-fakturen analisia eta dirulaguntza posibleak.
22/10/2025 - Fruiz
Informazio-puntua 2
Lurbarri eraikinean informazio-puntua jarriko da herritarrei arreta pertsonalizatua eskaintzeko.
Gaiak: iturri berriztagarriak, energia biltegiratzea, eraginkortasun neurriak gure etxebizitzetan, energia-fakturen analisia eta dirulaguntza posibleak.
22/10/2025 - Arrasate/Mondragón
Klima Azoka Arrasate
Klima Azoka esperientzia interaktiboa da, herritarren kontzientzia pizteko, hezteko eta mobilizatzeko, klima-aldaketaren aurrean ekiteko beharra azpimarratuz. 7 karpa tematiko ditu, eta bakoitzak ekintza klimatikoaren alderdi ezberdinak lantzen ditu. Joko eta dinamiken bitartez, parte-hartzaileek kontzeptu klimatiko gakoak barneratzen dituzte eta klima-lanerako ekarpen konkretuak aurkitzen dituzte. Helburua da pertsona bakoitzak konpromiso pertsonal bat hartzea, eguneroko bizitzan aldaketak eginez, eta bere komunitatean eraldaketa-agentzia bihurtzea.