2025eko-edizioa

Bi kale-erakusketa egingo dira: batetik, urte osoko ibaiaren garbiketan topatutako hondakin bereziena (argazki eta datuekin); eta bestetik, auzolanean, urriak 4an, Sagarreta Natur-taldeak jasotako hondakinak erakutsiko dira (datu eta argazkiekin ere).

EURONET programan parte hartzen duten Hernaniko ikastetxeetan (Urumea eta Txirrita) bizikletari eraginez elektrizitatea sortzen duen bizikletarekin tailerra. Enherkomek, Hernaniko Energia Berriztagarrien Komunitatea, bizikletaren erabilera erakusteaz gain, energiaren kontsumoaren inguruan sentsibilizatuko du. Gainera, Hernaniko Udalak instalatu berri dituen eguzki-plaken berri emango die gaztetxoenei. Tailerraren helburu nagusia ikasleak sentsibilizatzea eta informatzea energiaren inguruan.

Tailer honen bidez faktura elektrikoaren gakoak, zein diren ikasiko dugu, bai eta gastua murrizteko potentzia doikuntzak nola egin eta tarifa egokia nola aukeratu ere. Gipuzkoako Foru Aldundiko Jasangarritasun Departamentuaren ENERGIA ARGITU programa. A través de este taller aprenderemos las claves de la factura eléctrica, cómo realizar los ajustes de potencia para reducir el gasto y cómo elegir la tarifa adecuada. Programa ENERGIA ARGITU del Departamento de Sostenibilidad de la Diputación Foral de Gipuzkoa.

Klima Azoka esperientzia interaktiboa da, herritarren kontzientzia pizteko, hezteko eta mobilizatzeko, klima-aldaketaren aurrean ekiteko beharra azpimarratuz. 7 karpa tematiko ditu, eta bakoitzak ekintza klimatikoaren alderdi ezberdinak lantzen ditu. Joko eta dinamiken bitartez, parte-hartzaileek kontzeptu klimatiko gakoak barneratzen dituzte eta klima-lanerako ekarpen konkretuak aurkitzen dituzte. Helburua da pertsona bakoitzak konpromiso pertsonal bat hartzea, eguneroko bizitzan aldaketak eginez, eta bere komunitatean eraldaketa-agentzia bihurtzea.