2025eko-edizioa

Klima-aldaketari aurre egitearen onura ekonomiko eta ingurumenekoak ezagutzeko tailerra, eta herritarrak, enpresak eta komunitateak trantsizio energetikoan orientatzeko.

Eraginkortasun eta jasangarritasun hobekuntzak aurkeztuko dira, hala nola Energia Aurrezteko Ziurtagirien erabilera eta beste dirulaguntza batzuk, baita itzulera ekonomikoa duten neurriak ere: isolamendu termikoa, leiho eraginkorrak, berokuntza-sistemak eta mugikortasun jasangarria.

Dokumental honek Euskal Herriko eta Nafarroako biodibertsitatea aztertzen du. Bidaia zirraragarri bat da, gure naturako toki eta izaki bizidun harrigarri batzuk ezagutzeko.  

WALL•E robot txikiak misio berri bat aurkitu du bere bizitzan (balio ez duten gauzak biltzeaz gain), EVE izeneko robot esploratzaile moderno eta distiratsu batekin topo egin duenean. Galaxian zehar bidaiatuko dute biek, eta abentura zirraragarri eta ahaztezin bat biziko dute...

Bisita honetan Gipuzkoako biztanleriaren % 44 urez hornitzen duen Añarbeko urtegiaren azpiegiturak eta bertan egiten diren maniobrak ezagutuko ditugu,. Azpiegitura horiek klima-aldaketaren ondorioei nola aurre egiten dieten jakingo dugu, arro hidrografikoa kontserbatuz ur-hornidurako sistema horien erresilientzia handitzeko.

Jarduera honetan, hegaztiak sare bertikal kaltegabeen bidez harrapatzen dira, egunsentian. Hegaztiek eguneko jarduera handiena lehen lau orduetan izaten dute, eta une horretan aprobetxatzen dugu haiek harrapatzeko, datu biologikoak jasotzeko, eraztunak jartzeko eta askatzeko. Horrela, urtez urte bildutako datuek lagundu dezakete hegaztien jokabidean klima-aldaketak eragindako aldaketak ezaugarritzen.