Oiartzun ibaiaren azterketa Fanderiako meandroan

Ekintzaren helburua ibaia gertutik ezagutzea izango da, eta jabetzea zer garrantzitsuak diren hiri-inguruneetako errekak, bai biodibertsitateari begira, bai klima-aldaketari aurre egiteko. Horretarako, ibai-uren kalitatearen adierazle diren makro-ornogabeak aztertuko dira, ahal dela ibai bereko bi puntutan: zati naturalizatu batean eta zati antropizatuago batean. Laginketen aurretik, ibaien ekosistemari, uraren kalitatearen garrantziari eta klima-aldaketak ibaietan eta edateko uraren eskuragarritasunean izan ditzakeen ondorioei buruzko azalpenak emango dira. Ondoren, jasotako makro-ornogabeak identifikatu eta haien bidez uraren kalitateari buruzko emaitzak aterako dira, ingurumen-hezitzaileen laguntzarekin.