2025eko-edizioa

Urriaren 17tik 26ra, milaka pertsonak parte hartu zuten Euskadiko Klima eta Energiaren Astean, eta dibulgazioa, sentsibilizazioa eta esperientzia praktikoak uztartzen zituzten jarduera programa zabalaz gozatu ahal izan zuten.

Ekimena Eusko Jaurlaritzako Industria, Trantsizio Energetiko eta Jasangarritasun Sailak bultzatu du, Energiaren Euskal Erakundearen (EEE) eta Ihobe ingurumen-kudeaketarako sozietate publikoaren lankidetzarekin.

Actividades

Entidades
Locales

Otras
Entidades

Ekitaldiak

24/10/2025 - Errenteria

50/50 Proiektuko ekitaldia

Trantsizio energetikoa

2024-2025 ikasturtean zehar Oarsoaldeako 5 eskola publikoetako ikasleek urtean zehar ezarritako neurri zuzentzaileen ondorioz aurreztutako energia kontsumoaren baitan, energiaren inguruko lanketak egiten jarraitzeko aitortza eta aurreztutako diru kopuruaren erdia ematen diete udal ordezkariak ekitaldi honetan. Aldi berean, ikasleek urtean zehar egindako lanketa aurkezten dute. Proiektuei esker beraz, ikasturtean aurreztutakoaren % 50 ikastetxeari itzultzen zaio eta ikastetxeak zertan gastatu erabakiko du.

24/10/2025 - Ermua

Ikasgela Energetikoa

Trantsizio energetikoa

Urriaren 24an, Ermuako Udalak antolatutako Energia Eguna programaren barruan, EkiElkar energia-komunitate berriko kide den Eskolabarri ikastetxean jarduera bat egingo da, lehen hezkuntzako ikasleei zuzenduta. Saio honen helburua da eguzki-energiari eta energia-aurrezpenari buruzko ikaskuntza aktiboa sustatzea.

24/10/2025 - Errenteria

NATUR POTEA: Gure Añarbe, basoa eta ura

Klima-aldaketa

Añarbeko basoaren inguruko bioaniztasunari lotutako gaiak giro informalean jorratzeko hitzordua, Jorge Gonzalez adituaren eskutik. Hitzaldiaren ondoren pintxo-potea izango da.

24/10/2025 - Ermua

Energia Eguna

Trantsizio energetikoa

Energia Eguna Ermuako Udalak antolatutako jaialdi parte-hartzailea da, Santa Ana auzoan sortu berri den Ekielkar energia-komunitate berria ospatzeko antolatu dena, drOp proiektu europarraren baitan. Ekitaldi honen helburua da energiaren erabilera kontziente eta jasangarria sustatzea, bizilagunen arteko loturak sendotzea eta Garapen Jasangarriko Helburuekin (bereziki 7. GJHarekin: Energia eskuragarri eta ez-kutsatzailea) tokiko konpromisoa agerian jartzea.

24/10/2025 - Bergara

Edurnezuri Edurneberde bihurtu zen eguna

Klima-aldaketa

Edurnezuriri aspaldi Edurneberde deitzen diote. Ez zenekiela? Istorio laburra kontatuko dizut orduan. Edurnezuri txikia zenean, sarritan amaordearekin haserretu egiten zen (badakizue, ez zion batere kasurik egiten, egun osoa ematen baitzuen ederrena nor ote zen ispiluari galdezka.) Haserrealdi horietan basora joan eta paseo luzeak ematen zituen, lasaitu arte. Arratsalde batean hain berandu egin zitzaion non basoan bertan lo egin zuen, pago baten oinetan. Halako batean, ahots batzuk esnatu zuten.