Klima-aldaketa hemen eta orain

Ingurumenaren Nazioarteko Eguna dela-eta inauguratzen dugun Ekoetxea Urdaibairen erakusketa iraunkor berriak esperientzia ulergarri, murgilgarri eta hurbila bihurtzen du klima-aldaketa.
Ikus-entzunezko baliabideen, eszenografien, interakzio digitalaren, datu zientifikoen, lurralde-edukien eta 2,5 metroko NOAA Science On a Sphere esfera handi baten bidez, bisitariak klima-aldaketa ezagutuko du, kausa globaletatik Euskadin dituen inpaktuetara, eta erakundeek, enpresek eta herritarrek eman ditzaketen erantzunen bidez.