Erakusketa didaktiko honetan, 18 horma-irudien bidez, klima-aldaketaren eragileak, eraginak eta konponbideak biltzen dira, arazo horri buruzko xehetasunak herritarrei erraz helarazteko. Erakusketa osatzeko, Eibarko Udalaren informazio-posterra diseinatuko da. Poster horren bidez, herritarrek jakin ahal izango dute berotegi-efektua eragiten duten gasen emisio-sektore nagusiek azken urteotan izandako joera, udal-jarduerari lotutako karbono-aztarna eta Udalak arlo horretan azken urteetan egin dituen jarduera nagusiak. Hilaren 25ean eta 26an ikusi ahal izango da, eta ikastetxeei parte hartzera gonbidatuko zaie. Erakusketa osatzeko eta haurrek parte hartzeko, 25eko arratsaldean klima-aldaketari buruzko joko bat antolatuko da.  

Erakunde antolatzailea:
Eibarko Udala 

Data eta ordutegia:

Data: 2023-09-25
Ordua: 18:00 etan
Iraupena: Egun osoa

Kokapena:
Errebal plaza

Nori zuzenduta dago?
Herritarrak oro har

Izena ematea:
ingurumena@eibar.eus