EKITALDIAREN HELBURUA Ekitaldi honek honako helburu hauek ditu: ikertzaileen figura herritarrei hurbiltzea, haien lana eta gizarteari ekartzen dizkioten onurak ezagutu ditzaten, bai eta ikasleek genero-oztopoak hautsi eta karrera zientifikoak hautatu ditzaten ere.
Kontinenteko 370 hiritan baino gehiagotan ospatzen da gau hau. Europako Batzordeak finantzatzen du, Marie Sklodowska-Curie (MSCA) Ekintzen bidez —Europan karrera zientifikoak sustatzeko ekimena—, eta Horizonte Europa izeneko Europar Batasunaren Ikerketa eta Berrikuntzarako Esparru Programan kokatzen da.
UPV/EHUk antolatzen du ekimena, Unibertsitateen G-9 Taldeak sustatutako “Go for the Missions! (G9Missions)” Europako proiektuaren barruan.
G9Missions proiektua Europar Batasunak abian jarri dituen ikerketa eta berrikuntzako bost misioak jorratzen ditu, mundu osoko gizarte-arazo handiei konponbidea emateko xedearekin. Misio horiek honako gai hauek dituzte helburu: minbizia; klima-aldaketari egokitzea, gizarte-eraldaketa barne; ura eta ozeanoak; hiri adimendunak eta klimatikoki neutroak; eta lurzoruaren eta elikagaien osasuna. Horiek guztiek Europako Itun Berdearen, Minbiziaren aurkako Europako Planaren, eta Garapen Jasangarrirako Helburuen jomugak lortzen lagunduko dute.
2022ko edizioak misio horietako bi jorratuko ditu: Klima-aldaketari egokitzea, gizarte-eraldaketa barne; eta hiri adimendunak eta klimatikoki neutroak. Gainerako misioak ondorengo edizioetan jorratuko dira.
Erakunde antolatzailea:
Euskal Herriko Unibertsitatea (UPV/EHU). Zientzia eta Gizarte Garapenaren eta Transferentziaren arloko Errektoreordetza
Harremanetarako pertsona:
Nerea Jaureguizar Albonigamayor. nerea.jauregizar@ehu.eus
Estibaliz Saez de Camara Oleaga. Estibaliz.saezdecamara@ehu.eus
Data eta ordutegia:
Data: 2022ko irailaren 30a
Iraupena: egun erdia, arratsalde-gauez (20:00-22:00)
Kokapena:
Bizkaia Aretoa – UPV/EHU, Bilbao (Bizkaia)
Nori zuzenduta dago?
Gizarteari. Eskola-ikasleei, unibertsitateko komunitateari eta Areatzako kaiaren ingurura hurbiltzen diren herritarrei.
Bertaratuko diren kopurua:
1.000 pertsona
Izena emateko:
https://www.ikertzaileengaua-ehu.org
Ekitaldiaren egitaragua:
https://www.ikertzaileengaua-ehu.org
