Urriaren 24ko arratsaldean, Santa Ana auzoko plaza herritarren parte-hartzerako espazio ireki bihurtuko da Energia Egunaren baitan. Adin guztietako pertsonek lau estand tematiko bisitatu ahal izango dituzte, Energia Pasaportea osatzeko. Bertan, energia berriztagarriekin, energia-aurrezpenarekin, kontsumo arduratsuarekin eta CO₂ isurien murrizketarekin lotutako mikroekintzak egingo dituzte.
Estand bakoitzak infografia hezitzaile bat eta jarduera praktiko bat izango ditu: gailuak energia berriztagarriarekin piztetik hasi, eta eguneroko ohiturei eta haien energia-eraginari buruz hausnartzera arte. Gainera, trantsizio energetikoari buruzko panel informatiboen erakusketa jarriko da eta musikarekin girotuko da saioa.
Energia Pasaportea osatzen dutenek herriko Km0 askari partekatua eta sorpresa oparitxo bat jasoko dute, trantsizio energetikoan erakutsitako konpromisoaren aitortza gisa. Jarduera honek erakutsi nahi du aldaketa kolektiboa keinu sinple, eskuragarri eta partekatuetatik hasten dela.
